ओबामा सम्झेर मृत्युशैयाबाट जुरुक्कै

महाशक्ति राष्ट्र अमेरिकाका राष्ट्रपति बाराक ओबामा विश्वकै शक्तिशाली व्यक्ति हुन् भन्नेमा दुइमत छैन । तर यी ओबामा शक्ति यति विधि शक्ति रहेछ की यिनको नाम सम्दैमा मान्छे मृत्युशैयाबाट जुरुक्कै उठ्दो रहेछ ।

सायद यो समाचार पढिरहँदा तपाइँलाई विश्वास नलाग्न सक्छ । तर विश्वास नगर्नुको के अर्थ र ? आखिर भएको छ यस्तै । बेलायतका एक युवक बाराक ओबामालाई सम्झेर मृत्युशैया (कोमा) बाट जुरुक्कै उठेका छन् । नर्थह्याम्पटनका १९ वर्षीय ततेन्दा कामोशो नामका ती युवाले आफुलाई बाराक ओबामा सम्झे र कोमाबाट जुरुक्कै उठे ।

समाचार अनुसार एक घटनामा आक्रमणकारीले चक्कुले रोप्दा गम्भीर घाइते भएर अस्पतालमा कोमामा पुगेका ततेन्दा एकाएक ब्युँझिए र आफु बाराक ओबामा भएको र आफुले ओबामाले जस्तै ६० लाख जनताको आवाज एकैपटक सुन्न सक्ने दाबी गर्न थाले । उनले आफुमा इश्वरीय शक्ति समेत रहेको बताउन थाले ।

चक्कु रोपिएको चोटमा आफुलाई बाराक ओबामा सम्झने मानसिक समस्या थपिएपछि उनलाई थप उपचारका लागि मानसिक अस्पतालमा पठाइएको छ । उनी पूरै निको हुन अझै चार महिना लाग्ने बताइएको छ । चक्कु प्रहार पछि उनीमाथि टाउको थप मुक्का प्रहार भएकाले उनको मानसिक अवस्था खल्बलिएको हुनसक्ने अनुमान गरिएको छ ।